Super VIP

فايل اونلاين علي جوجل درايف ، هتقدر تدخل عليه تكتب تقريرك  الاسبوعي 

 فيه اكسيل شيت محدث بالتمرين بتاعك بتسجل فيه اوزانك و عداتك + بعلمك طريقه استخدام احد البرامج الخاصه بتسجيل الاوزان و التمارين , عشان تعرف  التطور الاسبوعي بتاعك للتمرين عن طريق لينك بديه ليك تقدر تفتحه في اي وقت

فيه شيت للدايت متسجل فيه الماكروز بتاعتك تقدر تعملها تتبعها يوميا عن طريق برنامج اكل معين بتتبع فيه الماكروز بتاعتك و بتابعها و بقدر اعدل ليك اختيار العناصر و هعلمك ازاي تختارها

مكالمة شهرية بيتم تحديد موعدها من الطرفين لمدة نص ساعة لتقيم التطور او الاستشارة و حل مشاكل الدايت و التمرين

تقدر تبعتلي في اي وقت في اليوم علي الواتس اب سواء رسال صوتية او كتابية

خلي بالك فيه فرق بين تعلم تصميم الجدول التدريبي و بين تعلم مراقبه الدايت و التمرين ، تعلم تصميم الجدول ده بيتشرح في كورسات تعليميه لكن هتتعلم ازاي تراقب و تتبع الدايت والتمرين بشكل شخصي عن مجرد المتابعه العاديه

بمثابته اداه التعارف بيني وبينك و هى عباره عن أسئله في ملف يتم ارسالها ليك بعد الاشتراك

بعرف عن طريقها معلومات عن حياتك اليوميه ( بتحب تاكل ايه ؟ - مجهودك اليومي - عدد الايام المتاحه للتدريب  - لو عندك اصابات سابقه - اوزانك في بعض التمارين .. وغيره  من المعلومات المهمه و الضروريه لتصميم البرامج )

الوضوح و الدقه في كتابه الاستماره بتكون مهمه لانها اساس اللى اقدر ابني عليها برنامج تدريبي و غذائي مناسب ليك

الصور اهم عامل مهم عشان اقدر اقيم شكلك ( ارسال الصور لازم يكون اسبوعياً )

الصور المطلوبه ( الامام - الخلف - الجنب - الرجلين - الصوره الاماميه و الخلفيه ايضاً وضع الدابل باي و غيرها حسب الحاجه ) طريقه التصوير بتستملها مع الاستماره بعد الاشتراك

من الممكن انه يتم طلب بعض المقاسات ( حسب الحاله )

في حاله تدريب البنات و السيدات بنستعمل المقاسات 

البرامج التدريبية بتبقي مصممه حسب عوامل كتيره منها ( عدد سنين الخبره - هدفك - عدد الايام المتاحه ليك - الاصابات السابقه - العضلات الضعيفه وغيرها من العوامل المهمه  )

البرامج مصممه ليك مخصوصاً حسب الاجهزه المتاحه ليك في الجيم او المنزل او غيره 

البرامج مشروحه بالفيديو , مجرد ما تضغط على اسم التمرين , بيفتح ليك فيديو , تتفرج عليه وتشوف الاداء

البرامج مشروح فيها ( طرق التسخين الصحيحه قبل التمرين و بالتفصيل )

البرنامج الغذائي مصمم خصيصاً حسب العناصر المتاحه ليك

يوجد بدائل للتنويع بين العناصر المختلفه من النشويات و البروتينات و الدهون الصحيه

الانظمه مبنيه على اسس علميه و عمليه محسوب فيها المغذيات المطلوبه حسب هدفك و حسب المرحله و حسب العمر و المجهود و عده عوامل اخرى مهمه

يعني مش لازم تاكل بيض و مش لازم تاكل شوفان .. مفيش اجبار على نوع معين من الاكل الا في حالات دايت معينه قاسيه

متابعه الاداء الحركي عن طريق الفيديوهات متاحه في  التدريب الاونلاين حيث ان الاهتمام بالاداء الحركي مهم جداً لضمان التمرين الصحيح و لتحقيق افضل مكتسب عضلي و تقليل معدل الاصابات 

بيتم تصوير مجموعه من بعض التمرينات  المحدده  و ارفاقها مع التقرير الاسبوعي او حسب عدد التمارين المتفق عليها في كل الحالات هتقدر تتأكد من صحه ادائك في كل التمارين و هنتعلم الاداء الصحيح باذن الله 

لو عندك اسئله او استفسارات خاصة بالدايت و التمرين الخاص بيك, تقدر تسيب سؤالك في اى وقت يومياً على الواتس اب و برد عليك في خلال 24 ساعه

التواصل بينا عن طريق الكتابه و الفويس نوت

 الجمعه هي اجازتي الرسميه  فبرجاء تجميع كل اسئلتك و استفساراتك على مدار بقيه الاسبوع

التقرير الاسبوعي هو اهم خطوه لضمان المتابعه الصحيحه

في المتابعه دوريه اسبوعيه , بتبعت ليا ملف تقريرك اسبوعي عباره عن ( اوزانك الحديثه + الصور الحديثه ليك بشكل دوري +  معدل الخطوات و الاجهاد او مشاكل الدايت و التمرين و بعض المعلومات هتعرفها في الاستماره  + تصوير الاداءات الاسبوعيه المطلوبه ))

لماذا التقرير الاسبوعي ؟ عشان نقدر نقيس التطور و التغير و معرفه المتغيرات و ان كانت صغيره ( انا ليا نظرتي المختلفه )  و بناء عليها نقرر ممكن نعدل في الدايت او التمرين

المتابعه الاسبوعيه بتكون من طرفك وليس من طرفي ,اي بمعني  انت المطلوب منك ارسال التقريرالاسبوعي ليا و مطلوب منك تتابعني باخبارك و ليس العكس

تعديل الدايت و التمرين ( ان احتجنا )  يستغرق وقت من 1 ساعه و حتى  24 ساعه

 تثبيت موعد التقرير  الاسبوعي  مهم جداً حيث ان العشوائيه في تقديم وقت التقرير تفقد متابعه جودتها, بالاضافه الى اني استقبل يومياً عدد معين من التقارير و ذلك لضمان مستوى الخدمه المقدم لك , فارسال التقرير في غير ميعاده يفقد أهميه التقرير و يفقد متابعتي الجيده لتطورك الاسبوعي  , بيتم احتساب مده مراجعه التقرير من اخر رساله , بتالى رجاء تجميع التقرير بشكل منظم و جيد في ميعاده حتى لا تعطل نفسك 

 الجمعه هي اجازتي الرسميه  فبرجاء ارسال تقريرك في اليوم المتفق عليه )

تم اضافه خدمه قناة تليجرام  , القناة تحتوى على نصايح عن طرق الطهى و الدايت و غيره من النصائح و اخر الاخبار 

بالاضافه الى انها اداه التواصل بيني و بين كل الناس اللى تم تدريبهم على مدار السنيين الماضيه

بتالى هيفضل متصل معايا عن طريق قناة التليجرام

اشتراك القناة (( مدى الحياه مجاني )) - الغرض منه نفضل على تواصل مع بعض بشكل عام