الماء و العضلات

الكل هيكسل يقرأ المعلومه دي .. و يقول ما انا عارف اهميه المايه .. ايه الجديد ؟!

المايه مش بس مهمه للوظايف الحيوية في جسمك و عوامل كتيره جداً .. احنا ناس بتهتم بالعضلات جداً سواء (قوة او ضخامه) و غيره

ايه التأثير السلبي للعطش ؟

وصولك لمرحله العطش Dehydration بنسبة 3-4 % بس … ممكن يقلل القوة العضليه و الباور و قوة التحمل بنسبة 2-10 % !! انت متخيل !!

الكلام ده نتيجه الميتا اناليزيس Meta-Analysis و دي تجميعه لحوالى 28 بحث عن المايه و علاقته بالقوة العضليه و غيره ..

ازاى اعرف اني مدخلتش مرحله العطش ؟!

• الاهتمام جداً بالمايه قبل التمرين على الاقل كوبايه مايه كبيره … و كوبايه مايه بمعدل 15-20 دقيقه و انت في التمرين
• وتدخل الحمام مش اقل من مرتين بعد التمرين
  
• ممكن تفضل انك تضيف للمايه شوية الكترولايتس ( صوديوم – بوتاسيوم – ماغنيسيوم ) و خاصه اثناء التمرين لفترات طويله و بشده عاليه ,  لان جسمك بيفقد جزء منهم في التمرين
  
• تدخل الحمام على مدار اليوم حوالى 5 مرات .. غير المرتين اللى بعد التمرين ( يعني اجمالي 7 مرات في اليوم )
• لون البول يبقي فاتح ( الا بعد تناول بعض مكملات والفايتمن )
  
• متخليش ريقك او بوقك يوصل مرحله العطش او الجفاف !
•  حوالى 1 لتر لكل 22 الى 30 كيلو من وزنك كويس
• كميه المايه هتتغير حسب جسمك و طبيعه الجو و طبيعه التمرين
• لاافراط ولا تفريط في شرب الماء ( محدش يشرب كميات مفتوحه و كبيره تقوم بعمل خلل في الكترولايتس ) ولا العكس انك تقوم بشرب كيمات صغيره فتؤثر بالسلب .. اهم حاجه الاعتدال